Hagnýtar upplýsingar

Ferðamannaskattur

Ferðamannaskatturinn í Lungau er ekki innifalinn í verði ferðarinnar. Hann greiðist á hóteli við brottför. Skatturinn er 2-4 Evrur á mann á nótt.
Gildir aðeins fyrir 14 ára og eldri. 

Flug:

Flogið er í áætlunarflugi Icelandair til Salzburg í Þýskalandi og tekur flugið um 3 klst. og 45 mín. 
Bóka þarf og greiða 3.800 kr. hvora leið fyrir flutning á skíðum til og frá Salzburg og má búnaður vera 10 kg. Verð hækka þegar minna en 7 dagar eru í brottför. 
Skíðin er hægt að bóka um leið og ferðina.

Það er ekki fararstjóri á vegum Icelandair VITA á svæðinu en hægt er að hafa samband við skrifstofu ef eitthvað kemur upp á. Ekki eru í boði akstur til og frá flugvelli en hægt er að fá aðstoð til að sérpanta það gegn aukagjaldi.  Leið frá flugvellinum er 110 km. og tekur rúmlega eina klukkustund í lítilli umferð, en gera má ráð fyrir mikilli umferð á laugardögum, en þá eru skiptidagar á hótelunum.

Hótelin - Almennar upplýsingar

Við komu á hótel þarf að afhenda vegabréf og er því skilað síðar sama kvöld eða daginn eftir. Við komu í matsal fyrsta kvöldið er rétt að bíða eftir þjóni eða yfirþjóni og er gestum vísað  til borðs sem það hefur síðan alla vikuna. Drykkjarföng getur fólk geymt milli daga. Morgunverður stendur oftast frá kl. 7:30 eða 8:00 til kl. 9:00 eða 10:00 (aðeins mismunandi milli hótela).  Kvöldverður er frá kl. 18:30 eða 19:30 til kl. 21:00 eða 21:30. 
Mismunandi er hvenær heilsuaðstaða hótela er opin, en yfirleitt opnar hún um kl. 16:00 og er opin til kl. 18:30 til 19:30. Aðgangur barna yngri en 14-15 ára er yfirleitt bundin því að þau séu í fylgd foreldra og þess gætt að ekki er um leiksvæði að ræða. Einstaka hótel leyfa ekki börn  á heilsusvæðinu. 
Gestir eru hvattir til að nota öryggishólf á herbergjum og oftast annað hvort smábar eða kæliskápur á herbergjum. Kranavatnið á hótelunum er gott og öllum er óhætt að drekka það. 

Heilsulindir: 

Ætlast er til að fólk sitji á handklæðum í sána klefanum og hafa skal hugfast að heilsulindin er fyrst og fremst hvíldarsvæði en ekki leikvöllur barna. Á sumum hótelum er aldurstakmark sem miðast við 14 ára aldur.

Gott að hafa í huga þegar farið er í fjallið:

Muna skal að hafa með varaáburð og sólarvörn. Það taka ekki allir veitingastaðir í fjöllunum við greiðslukortum og því gott að hafa reiðufé með í för. Skylda er fyrir alla 14 ára og yngri að hafa skíðahjálma. Að sjálfsögðu er mælt með því að allir noti hjálm. 
Góð sólgleraugu og skíðagleraugu eru nauðsynleg. Skíðagrímu er gott af hafa ef spáð er köldu veðri.  Aldrei skal stöðva undir blindhæð. Muna skal að skíða með aðgát og hafa í huga að sá sem er neðar í brekkunni á alltaf réttinn.  Ekki drekka kranavatn á veitingastöðum eða lyftustöðvum í fjallinu. 

Tímamismunur: 

Austurríki er einni klukkustund á undan Íslandi á veturna og tveimur tímum á undan á sumrin.

Greiðslukort og hraðbankar:

Hraðbankar eru mjög víða og lang flestir þjónustuaðilar og verslanir í Austurríki taka helstu kreditkort. 

Allir skíðafarþegar VITA fá 20% afslátt hjá Everest ferða- og útvistaverslun ef keyptur er skíðabúnaður eða skíðafatnaður, með því að framvísa staðfestingu á skíðabókun frá VITA fyrir veturinn 2023-2024. Verslunin er staðsett í Skeifan 6, 108 Reykjavík