Aparthotel Comtat Sant Jordi

Aparthotel Comtat Sant Jordi er 3 stjörnu íbúðahótel í Platja d'Aro.

Hótelið er staðsett í rólegu umhverfi stutt frá lítilli strönd og er um 1 km gangur að miðbæ Platja d'Aro. Garðurinn er rúmgóður með sólbekkjum og tveimur sundlaugum. Veitingastaður er á hótelinu sem býður upp á hlaðborð og svo er snakkbar í garðinum með drykki og snarl yfir daginn. Lítið leiksvæði er fyrir börnin ásamt leikherbergi með alls konar skemmtun fyrir börn. Einnig er skemmtidagskrá fyrir alla aldurshópa á kvöldin. Nuddstofa er á hótelinu, kjörbúð og þvottahús. 

Íbúðirnar eru með einu og tveimur svefnherbergjum. Þær eru loftkældar og með verönd og sjónvarpi. Eldhúskrókur með ísskáp og öllum helstu búsáhöldum. Hægt er að leigja öryggishólf. Þráðlaust internet er um allt hótelið.