Hagnýtar upplýsingar

Fyrir brottför:

Vegabréf – Vegabréfsáritun

Nauðsynlegt er að hafa rafræn vegabréf sem eru í gildi a.m.k. 6 mánuði eftir heimkomu.

ESTA – Visa Waiver

Ef flogið er um Bandaríkin þarf að sækja um ESTA - Visa Waiver. Þetta er undanþága frá vegabréfsáritun og er sótt um t.d hér: https://esta.cbp.dhs.gov/esta/.
Hafa þarf greiðslukort við hönd þegar greitt er, en hver umsókn kostar 14 dollara, eða um 1700 krónur.

Upplýsingar sem þurfa að koma fram eru:
Vegabréfsnúmer, fæðingardagur og ár og aðrar upplýsingar úr vegabréfi eins og útgáfudagur, útgáfustaður og gildistími.

Merking farangurs/innritun og afgreiðsla um borð í skipi

Merkið töskurnar á hefðbundinn hátt með heimilisfangi á Íslandi. 

Netinnritun: Fljótlegast og þægilegast er að netinnrita sig í skipið, það má gera um leið og ferðagögn eru tilbúin og fram að 72 tímum fyrir brottför. þetta flýtir mjög fyrir innritun.

Innritun og afgreiðsla um borð –Við innritun þarf að hafa tilbúin ferðagögn, vegabréf og kreditkort. Skipafélagið tekur afrit af kreditkorti.

Vikapiltar taka við töskum við skipshlið og fara með að dyrum klefans en hver og einn gætir síns handfarangurs. Eftir að töskur hafa verið afhentar við skipshlið, ganga farþegar inn í afgreiðslusal og þurfa að hafa alla pappíra útfyllta, sem fylgja ferðagögnum frá skipafélaginu.
Við innritun í skipið fá farþegar afhent lykilkort. Á kortinu koma fram ýmsar upplýsingar, þ.á.m. upplýsingar um sætaskipan í veitingasal.

Peningar

Ekki eru notaðir peningar um borð. Fyrir drykki og annað, sem verslað er um borð er kvittað fyrir, en verslað er með svokölluðu „sail and sign“ korti. Haldið afritum til haga. Við innritun gera farþegar grein fyrir hvernig skal greitt. Einfaldast er að nota greiðslukort, en þá fer uppgjör þannig fram að síðasta kvöldið kemur reikningur inn í klefa hvers farþega. Ef eitthvað þarf að leiðrétta, er það gert hjá gjaldkera strax næsta morgun – áður en farið er frá borði. Einnig er hægt að greiða með peningum hjá gjaldkera skipsins í lok ferðar.  Athugið að 18% þjónustugjald leggst á reikninginn, sem er í Bandaríkjadölum.

Farið frá borði:

Gera þarf upp reikninginn lokakvöldið, áður en komið er til síðustu hafnar. Lokakvöld siglingar eru töskur settar fram á gang, nema handfarangur. Töskur þurfa að vera komnar fram fyrir kl.23:00. Sérstök merkispjöld verða afhent farþegum til að setja á töskurnar. Vikapiltar sjá um að bera töskur frá skipi.

Hvað er innifalið?

Oft er hægt að kaupa:
• Fullt fæði og afþreyingu um borð 
• Þjórfé af þjónustu getur oft verið innifalin í verði ferðar.

Á flestum skipum eru sérstakir veitingastaðir þar sem gestir þurfa að panta borð fyrirfram og greiða þjónustugjald.

Læknisþjónusta

Um borð í skipinu er læknir og hjúkrunarfræðingur. Athugið að taka kvittanir fyrir útlögðum kostnaði til að fá endurgreiðslu frá kortafyrirtæki ykkar. Athugið að þar sem um einkarekna læknisþjónustu er að ræða um borð endurgreiðir Tryggingastofnun ríkisins ekki lækniskostnað, einungis kortatryggingar. Athugið þó vel skilmála kortafyrirtækjanna.

Öryggishólf