Sol Torremolinos Don Marco

Sol Don Marco er hlýlegt og fágað fjögurra stjörnu hótel, staðsett við hina vinsælu Bajondillo-strönd í Torremolinos, aðeins um 1,5 km frá líflegum miðbænum. Hér mætast náttúrufegurð, rólegheit og fyrsta flokks þjónusta á einstaklega notalegan hátt.

Hótelið er hluti af Sol Torremolinos Resort, þar sem þrjú systrahótel – Sol Don Marco, Sol Don Pablo og Sol Don Pedro – mynda saman lítið þorp í fallegum hefðbundnum spænskum stíl. Gestir hafa aðgang að allri sameiginlegri aðstöðu hótelanna, sem felur í sér m.a. glæsilega sundlaugagarða með átta sundlaugum, sólbekkjum og sólhlífum – með nóg pláss fyrir alla til að njóta sólar og slökunar.

Á hótelsvæðinu er smekklega innréttuð heilsulind, þar sem gestir geta slakað á í innisundlaug, nuddpottum, gufu og tyrknesku baði. Þar er einnig vel útbúin líkamsræktaraðstaða og gegn aukagjaldi er hægt að panta nudd og snyrtimeðferðir – tilvalið fyrir þá sem vilja dekra við sig í fríinu.

Herbergin eru rúmgóð og þægileg, með klassískum og hlýlegum innréttingum. Þau eru öll með loftkælingu, flatskjá, kæliskáp, svölum og baðherbergi með baðkari og/eða sturtu, hárþurrku og snyrtivörum. Flest herbergin eru 20–25 fermetrar, með svefnaðstöðu og litlum setkrók – fullkomin fyrir afslöppun eftir góðan dag í sól og sjó.

Gestir geta valið á milli morgunverðar eingöngu, hálfs fæðis (morgunverður og kvöldverður) eða allt innifalið. Boðið er upp á þrjá veitingastaði þar sem matur er borinn fram á hlaðborði með ríkulegu úrvali. Restaurant Córdoba, aðalveitingastaður Sol Don Marco, leggur áherslu á gæðahráefni og fjölbreytt þema á hverju kvöldi – m.a. spænskt, ítalskt, asísk blanda og grillréttir.

Barir eru á öllum þremur hótelunum, bæði innan- og utandyra, þar sem hægt er að njóta drykkja og léttara snæðings í afslöppuðu andrúmslofti. Á kvöldin skapast góð stemning með lifandi tónlist á músíkbarnum, og þeir sem vilja geta dillað sér í takt við tónlistina.

Kvöldskemmtanir með sýningum og tónlist eru í boði reglulega – fullkomið til að njóta kvöldsins í góðum félagsskap.

Sol Don Marco er frábær valkostur fyrir pör og einstaklinga sem leita að notalegri og rólegheitum í fríinu með öllum helstu þægindum innan seilingar. Í næsta nágrenni er úrval veitingastaða, verslana og afþreyingar, svo allt er til staðar fyrir skemmtilegt og afslappandi frí.