Alaska
Undurfagrir firðir
Myndagallerí
Sigling um firði Alaska
Oviation of the Seas
24.september - 6. október
Fararstjóri: Héðinn Svarfdal Björnsson
Seattle – Bandaríkjunum, Juneau, Skagway og Sitka Alaska, Victoria og Vancouver - Kanada
Stutt ferðalýsing
Flogið með Icelandair beint til Seattle seinnipart 24. september, kl.17:05 lent í Seattle kl. 17:55 að staðartíma. Flugtíminn er 7klst og 40 mín. Ekið á í hótel í miðborg Seattle Holiday Inn Downtown þar er gist í þrjár nætur fyrir siglingu.
27. september er haldið af stað í sjö nátta siglingu um firði og flóa Alaska, farið í land á þremur fallegum stöðum og einnig í Victoria í Bresku Kólumbíu.
4. október er komið til hafnar í Vancouver og eftir tveggja nátta stopp er flogið heim frá Vancouver. Áætluð lending í Keflavík er kl 06:00 að morgni 7. október
![rci_aunz_ov_jan9_4.jpg rci_aunz_ov_jan9_4.jpg](https://vita.is/sites/default/files/styles/large/public/thumbnails/image/rci_aunz_ov_jan9_4.jpg?itok=4p5ggNfr)
Ovation of the Seas
er þriðja skipið í svokölluðum Quantum Classa. Ovation of the Seas var sjósett í febrúar 2016 og fór í jómfrúarferðina í april 2016. Ovation of the Seas er tæplega 170.000 tonn og 348 m á lengd og tekur rúmlega 4000 farþega.
Auk þess að vera með sundlaugardekk, leikhús og fjöldann allan af veitingastöðum og börum þá eru nýjungar eins og Rip Cord sem er fallhlífastökks hermir, Klessubílabraut og North Star sem er útsýnishylki þar sem hægt er að skoða útsýnið í um 90m hæð.
Ovation of the Seas er 16 hæðir sem eru stútfullar af skemmtun. Veitingastaðir allt frá pizzastaðnum Sorrento þar sem hægt er að grípa pizzasneið allan daginn og hamborgarastaðurinn Jonny Rocket sem er Amerískur Diner, ásamt fjölda fínna veitingastaða. Barir og skemmtistaðir með lifandi músík og skemmtun. Bionic barinn þar sem róbótar blanda drykki að óskum hvers og eins.
Flugtafla
Flugnúmer | Dags | Brottför | kl. | Áfangastaður | kl. |
---|---|---|---|---|---|
FI 681 | 24. september | Keflavík | 17:05 | Seattle | 17:55 |
FI 696 | 6. október | Vancouver | 15:40 | Keflavík | 06:00+1 |
Siglingarleið
Dags | Áfangastaður | Koma | Brottför |
---|---|---|---|
27. september | Seattle, Washington | 16:00 | |
28. september | Á siglingu | ||
29. september | Juneau, Alaska | 11:59 | 22:00 |
30. september | Skagway, Alaska | 07:00 | 17:00 |
1. október | Sitka, Alaska | 07:00 | 15:00 |
2. október | Á siglingu | ||
3. október | Victoria, Bresku Kolumbíu | 08:00 | 18:00 |
4. október | Vancouver, Bresku Kolumbíu | 06:00 |
Ferðalýsing
Þriðjudagur 24. september . Keflavík – Seattle
Flogið í beinu flug Icelandair til Seattle áætluð brottför er kl. 17:05 og lending kl. 17:55 að staðartíma. Flugið tekur 7 klst og 50 mín. Rúta bíður hópsins á flugvellinum og ekið er á hótel Holiday Inn Seattle Downtown í miðborg Seattle, þar sem gist er í þrjár nætur.
![seattle_sigling_almennt.jpg seattle_sigling_almennt.jpg](https://vita.is/sites/default/files/styles/large/public/thumbnails/image/seattle_sigling_almennt.jpg?itok=LcfuzYv0)
Seattle, Washington fylki
Síðan 1980 hefur Seattle verið kölluð Smaragðsborgin - Emerald City - vegna þess hve allt er þar grænt og gróið. Íbúarnir eru um 620 þúsund. Fjöl þætt þjóða- og menningarblanda einkennir borgina þar sem saman fer bandarísk og asísk menning í bland við menningu amerískra frumbyggja. Allt með Puget-sund og Ólympskfjöll í bakgrunni. Ekki skemmir að þar er hægt að njóta ferskasta skelfisks við Kyrrahaf og smakka á hinu góða kaffi sem Seattle er rómað fyrir.
![seattle_skyline.jpg seattle_skyline.jpg](https://vita.is/sites/default/files/styles/large/public/thumbnails/image/seattle_skyline.jpg?itok=DAQWjqSC)
Miðvikudagur 25. september . Seattle
Eftir morgunverð er farið í hálfs dags skoðunarferð um borgina, farið er meðal annars í hinn fræga sjónvarpsturn í Seattle „ Space Needle“ þar sem farið er upp og virt fyrir sér hið stórkostlega útsýni. Seinni parturinn er frjáls.
![rci_ov_092019_im_jlisiewski_northstar_240_ret_cmyk.jpg rci_ov_092019_im_jlisiewski_northstar_240_ret_cmyk.jpg](https://vita.is/sites/default/files/styles/large/public/thumbnails/image/rci_ov_092019_im_jlisiewski_northstar_240_ret_cmyk.jpg?itok=jAtMpBRw)
Fimmtudagur 26. september. Seattle
Frjáls dagur í Seattle
![rci_ov_alaska_ret_royal_cmyk.jpg rci_ov_alaska_ret_royal_cmyk.jpg](https://vita.is/sites/default/files/styles/large/public/thumbnails/image/rci_ov_alaska_ret_royal_cmyk.jpg?itok=vrFJvMq1)
Föstudagur 27.september. Seattle – Ovation of the Seas
Um hádegið er ekið niður að höfn þar sem Ovation of the Seas liggur við bryggju og tékkað inn. Komið er um borð og gott að nýta daginn fram að brottför til að skoða sig um á skipinu fá sér hádegisverð. Ovation siglir af stað kl. 16:00.
![rci_ov_092019_im_nhagen_flowrider_0168_ret_cmyk.jpg rci_ov_092019_im_nhagen_flowrider_0168_ret_cmyk.jpg](https://vita.is/sites/default/files/styles/large/public/thumbnails/image/rci_ov_092019_im_nhagen_flowrider_0168_ret_cmyk.jpg?itok=WVeRnA6D)
Laugardagur 28. september. Á siglingu
Fararstjóri fer í kynnisferð um skipið til að enginn missi af neinu. Njótið þess að skoða skipið og svo má t.d. leggjast á sólbekk við sundlaugina og smakka hina litskrúðugu og ljúffengu kokteila sem barþjónarnir blanda. Svo má fara í búðir, á málverkauppboð, eða kannski prufa að svífa eins og í fallhlífastökki í Rip Cord, prufa klessubílana eða eitthvað af því sem í boði er á þessu frábæra skipi. Matur og drykkur allan daginn, svo bíða 3ja rétta kvöldverðir og glæsilegar sýningar á kvöldin.
![rci_ov_092019_im_tandc_juneau_04507_ret_cmyk.jpg rci_ov_092019_im_tandc_juneau_04507_ret_cmyk.jpg](https://vita.is/sites/default/files/styles/large/public/thumbnails/image/rci_ov_092019_im_tandc_juneau_04507_ret_cmyk.jpg?itok=Lfps-tJA)
Sunnudagur 29. september. Juneau, Alaska
Það er ekki auðvelt að komast til Juneau, hinnar afskekktu höfuðborgar Alaska, en hægt er að fljúga þangað eða fara sjóleiðina. Ferðalagið er sannarlega þess virði því þarna er stórbrotið útsýni og ríkuleg menningararfleifð hvert sem litið er. Fjöllin gnæfa tignarleg yfir með fallega hvíta toppa, mistrið hangir yfir djúpgrænum regnskógunum, ævintýralegir gríðarstórir jöklar setja svip sinn á svæðið og dýralíf er blómlegt. Borgin er því fullkominn staður til að tengjast náttúrunni. Mount Juneau, fjallið sem borgin fær nafn sitt frá og Mount Roberts, ramma borgina inn og setja fallegan baksvip á bæjarlífið. Í miðbænum eru aldagamlar krár, fallegar litlar búðir og söguleg kennileiti. Þeir ferðamenn sem hafa áhuga á að kanna menningu ættu að skella sér í gamla bæinn og á Alaska State minjasafnið. Þeir sem eru meira fyrir útivist hafa úr fjölmörgu skemmtilegu að velja. Þeir geta farið í hvalaskoðun á Auke Bay höfninni, gengið yfir freðmýrina á Mendenhall jökli eða jafnvel leitað eftir gulli í Last Chance Basin námunni.
![celebrity_eclipse_hubbard_glacier_3.jpg celebrity_eclipse_hubbard_glacier_3.jpg](https://vita.is/sites/default/files/styles/large/public/thumbnails/image/celebrity_eclipse_hubbard_glacier_3.jpg?itok=oANxG3cE)
Mánudagur 30. september. Skagway, Alaska
Skagway í Alaska er í suðausturhluta Alaska rétt við Inside Passage, þar sem siglt er í gegn á siglingu um firði Alaska. Skagway er þekkt fyrir byggingar frá gullæðis tímanum sem er hluti af Klondike Gold Rush þjóðsögu garðinum. Skagway hefur einnig verið notaður sem sögusvið margra bóka og kvikmynda. Bærinn er skemmtilegur ekta smábær í Alaska og gaman að skoða, þó er einnig hægt að fara út fyrir bæinn, þar sem örstutt er í náttúruna.
![rci_alaska_061621_cc_ahendel_ketchikan_drone_kayak_0119_ret_cmyk.jpg rci_alaska_061621_cc_ahendel_ketchikan_drone_kayak_0119_ret_cmyk.jpg](https://vita.is/sites/default/files/styles/large/public/thumbnails/image/rci_alaska_061621_cc_ahendel_ketchikan_drone_kayak_0119_ret_cmyk.jpg?itok=PC4dgF3G)
Þriðjudagur 1. október. Sitka, Alaska
Landslagið er mikilfenglegt og náttúrufegurðin stórbrotin í Sitka. Það er því algjörlega þess virði að staldra þar við á meðan á ferð þinni um Alaska stendur. Íbúar svæðisins eru vingjarnlegir eins og sönnum Alaskabúum sæmir, þeir eru stoltir af bænum sínum og taka vel á móti ferðamönnum sem koma þangað. Hvert götuhorn skartar ríkulegri og einstakri sögu bæjarins og á svæðinu eru fjölmörg tækifæri fyrir ferðamenn á öllum aldri til að skemmta sér og útvíkka þekkingu sína.
![rci_ov_092019_im_jlisiewski_two70_pixels_010_ret_cmyk.jpg rci_ov_092019_im_jlisiewski_two70_pixels_010_ret_cmyk.jpg](https://vita.is/sites/default/files/styles/large/public/thumbnails/image/rci_ov_092019_im_jlisiewski_two70_pixels_010_ret_cmyk.jpg?itok=xG917lbr)
Miðvikudagur 2. október. Á siglingu
Heill dagur til að njóta lífsins um borð í skipinu, sem nú siglir nú til Canada. Njótið þess að skoða skipið, leggjast á sólbekk við sundlaugina og smakka hina litskrúðugu og ljúffengu kokteila sem barþjónarnir blanda. Svo má fara í búðir, Upplagt að nota daginn í að reyna sig eða bara að fylgjast með flow ridernum þar sem fólk reynir að standa á brettum í öldulauginni. Engin má sleppa að svífa um í North Star útsýnishylkinu.
![victoria-waterfront-empress-hotel.jpg victoria-waterfront-empress-hotel.jpg](https://vita.is/sites/default/files/styles/large/public/thumbnails/image/victoria-waterfront-empress-hotel.jpg?itok=ygZ2o347)
Fimmtudagur 3. október. Victoria, Bresku Columbíu.
Victoria stendur á suðurodda Vancouver-eyjar og er líklega þekktust fyrir milt loftslag og mikla útilífsiðkan íbúanna. Í reynd hefur borgin oftar en einu sinni verið tilnefnd „frískasta borg“ í Kanada. Hún er höfuðstaður í Bresku Kólumbíu og afar „ferðamannavæn“ borg. Heimsfrægir garðar eru einn helsti ferðamannsegullinn, auk 150 ára sögu og veitingastaða og verslana í fremstu röð.
![vancouver_sigling_almennt_2.jpg vancouver_sigling_almennt_2.jpg](https://vita.is/sites/default/files/styles/large/public/thumbnails/image/vancouver_sigling_almennt_2.jpg?itok=evCBnDE7)
Föstudagur 4. október . Vancouver, Bresku Kolumbíu
Komið í land í Vancouver, þar sem að rútan bíður hópsins og farið er í skoðunarferð um Vancouver og einnig farið út úr borginni í og farið í hinn fallega og skemmtilega Capilano hengibrúargarðinn. Farið yfir hina goðsagnakenndu hengibrú og gengið um í regnskóginum eftir skemmtilegum stígum. Þegar ferðinni lýkur er farið á hótel Sheraton Vancouver Wall Center.
![imgp5076_edited-2clock.jpg imgp5076_edited-2clock.jpg](https://vita.is/sites/default/files/styles/large/public/thumbnails/image/imgp5076_edited-2clock.jpg?itok=_n9443dD)
Laugardagur 5. október . Vancouver
Frjáls dagur í Vancouver. Gaman að ganga um miðborgina og njóta þessarar fallegu borgar.
![vancouver_sigling_almennt_1.jpg vancouver_sigling_almennt_1.jpg](https://vita.is/sites/default/files/styles/large/public/thumbnails/image/vancouver_sigling_almennt_1.jpg?itok=Qg6ne289)
Sunnudagur 6. október Heimferð
Flogið seinnipartinn heim til Keflavíkur flugið er áætlað kl. 15:40 og lending í Keflavík er 06:00 að morgni 7. október. Áætlaður flugtími er 7 klst og 25 mín.
-
Veðrið
-
Flugtími
Kef
SEA
8 klst
Eftirmiðdagsflug
-
Gjaldmiðill
$USD
Gengi