fbpx Umhverfis hnöttinn | Vita

Umhverfis hnöttinn

Frá Hawaii til Ástralíu

Siglingin Uppseld

Þessi sigling er uppseld, Ný svipuð ferð kemur í sölu á næstu vikum sem verður í april 2025 Vinsamlega hafið samband í síma 5050100 fyrir frekari upplýsingar

Hafa samband

Myndagallerí

Sigling frá Hawaii til Sydney í Ástralíu.

Celebrity Solstice
26. september - 25. október 

Fararstjóri: Gunnhildur Gunnarsdóttir 
UPPSELT

Seattle, Bandaríkjunum - Honolulu Hawaii - Moorea, Papeete Tahiti, Raiatea, Frönsku Pólýnesíu – Dagalínan – Auckland og Bay of Islands, Nýja Sjálandi - Sydney, Ástralíu – Dubai, Arabísku furstadæmunum.

Stutt ferðalýsing
Þann 26. september er flogið með Icelandair til Seattle, gist í eina nótt á flugvallarhóteli áður en flogið er til Hawaii. Fjórar nætur í Honolulu áður en siglt er af stað. Eftir fimm daga á siglingu er komið við á þremur rómuðum eyjum í Kyrrahafinu Moorea, Papeete og Raiatea í Frönsku Pólýnesíu. Aftur er siglt í átt til Nýja Sjálands í fimm daga og á þriðja degi er farið yfir dagalínuna. Auckland og Bay of Islands á Nýja Sjálandi eru næstu staðir sem komið er við á, áður en komið er til Sydney í Ástralíu þar sem farið er frá borði. Flogið er frá Sydney eftir þrjá daga í borginni og þaðan er farið til í Dubai þar sem gist er í 3 nætur áður en haldið er heimleiðis..


ship_268_1280x960-cel-solstice-aerial_1024x416_mobhdr.jpg

Celebrity Solstice 
Celebrity Solstice er fyrsta skipið í svokölluðum „Solstice” Klassa  hjá Celebrity Cruises.
Celebrity Solstice fór í sína jómfrúarferð 10.ágúst 2008 og endurnýjað 2016. Skipið er er 122.000 lestir,  317 metrar á lengd og með rými fyrir  2850 farþega.  Solstice  er 16 hæðir og á næst efsta þilfari er sveitaklúbburinn The Lawn Club með vel snyrtri grasflöt, sólarlagsbarnum og keilubrautum.

Á 14. þilfari er skokkbraut, setustofur, veitingastaður og bar, allt með gríðarmiklu útsýni til allra átta. Resort þilfarið er með sundlaugum, sundlaugarbar, sólbekkjum og heilsulindinni Aquaspa® . Þar eru  nuddpottar, gufa, sauna og endalausir möguleikar á ýmsum  dekur- og heilsubætandi meðferðum. Entertainment þilfarið er með veitingastaði, listmunasölur, kaffihús, ísbúðir o.fl.  Á Promenade þilfarinu eru  litlar verslanir, vínbarir og spilavíti.

Flugtafla  

Flugnúmer Dags Flugvöllur  Brottför Flugvöllur  Lending
FI681 26.sptember Keflavík  17.05 Seattle 17:55
AS893 27.september Seattle 11:20 Honolulu 14:38
EK417 22. október Sydney 21:10 Dubai 04:30+1
EK003 25.október  Dubai 14:15 London Heathrow 18:40 
FI455 25.október London Heathrow 21:25 Keflavík 23:40

Siglingaleið

Dagur Áfangastaður Koma Brottför
1. október Honolulu, Oahu, Hawaí   18:00
2. október Á siglingu    
3. október Á siglingu    
4. október Á siglingu    
5. október Á siglingu    
6. október Á siglingu    
7. október Moorea, Frönsku Pólynesíu 08:00 20:00
8.október  Papeete Tahiti, Frönsku Pólynesíu 07:00 19:00
9.október  Raiatea, Frönsku Pólynesíu 07:00 18:00
10. október Á siglingu    
11. október Á siglingu    
12. október  Dagalínan    
13. október Á siglingu    
14. október  Á siglingu    
15. október Aukland, Nýja Sjálandi 10:00 20:00
16. október Bay of Islands, Nýja Sjálandi  07:00 17:00
17. október  Á siglingu    
18. október  Á siglingu    
19. október  Sydney, Ástralíu  06:30  

Ferðatilhögun


seattle_sigling_almennt.jpg

Fimmtudagur 26. september  Keflavík – Seattle
Flogið er með Icelandair til Seattle kl. 17:05 og lending kl.17:55 að staðartíma. Flugið tekur 7klst og 45 mín. Farið er á hótel  Radisson Hotel Seattle airport í eina nótt áður en haldið er áfram til Hawaii.


hawaii_honolulu_1.jpg

Föstudagur 27. september Seattle – Honolulu, Hawaii
Eftir morgunverð á hótelinu er flogið áfram til Honolulu brottför frá flugvelli í Seattle er kl. 11:20 og lending kl. 14:38 að staðartíma í Hawaii. Flugið tekur 5 og hálfa klukkustund. Ekið á hótel Outrigger Waikiki Beach Resort í Honolulu þar sem gist er í 4 nætur.


honolulu.jpg

Laugardagur 28. september – Honolulu, Oahu, Hawaii
Það er óhætt að kalla Honolulu, höfuðborg Hawaii, demantinn í Kyrrahafinu. Hér gefur að sjá einu konungshöllina sem reist hefur verið í öllum Bandaríkjunum, hægt er að sóla sig á Waikiki-ströndinni, fara upp á eldfjallið Diamond Head sem gnæfir þar yfir eða njóta kyrrðarinnar í þjóðarkirkjugarði Kyrrahafsins, sem að sjálfsögðu er á toppi eldfjalls, ofan í Punchbowl-gígnum. Þá er óhætt að mæla með því að skoða Pearl Harbor-safnið og minnisvarðann um USS Arizona. uss
Skoðunarferð um Honolulu þar sem farið er meðal annars í Pearl Harbour safnið "World of War II", en þar er m.a. minnisvarðinn um USS Arizona. Hádegisverður.


Hawaii_strönd_sigling_.jpg

Sunnudagur 29. september - Honolulu, Oahu, Hawaii
Frjáls dagur í Honolulu, tilvalið að njóta og ganga um á hinni víðfrægu Waikiki strönd.


Hawaii_sigling_cruise_waterfall_man.jpg

Mánudagur 30. september - Honolulu, Oahu, Hawaii
Valfrjáls ferð, hringferð um Oahu sem verður kynnt síðar. 

Þriðjudagur 1. október – Honolulu, Oahu, Hawaii – Celebrity Solstice
Morguninn tekin rólega í Honolulu þar til farið er í skip. Upp úr hádegi er tékkað inn og njótið þessa að skoða skipið og njóta þar til að  Celebrity Solstice leggur úr höfn kl. 18:00


Celebrity_Silhouette_lawn_club_lounge.jpg

Miðvikudagur 2 - sunnudagsins 6. október  - siglingadagar
Fararstjóri fer í kynnisferð um skipið til að enginn missi af neinu. Njótið þess að skoða skipið og svo má t.d. leggjast á sólbekk við sundlaugina og smakka hina litskrúðugu og ljúffengu kokteila sem barþjónarnir blanda. Einnig er hægt að fara í búðir, á málverkauppboð, eða kannski á matreiðslunámskeið, danskennslu eða sækja fyrirlestur. Matur og drykkur allan daginn, svo bíða 3ja rétta kvöldverðir og glæsilegar sýningar á kvöldin.


Karíbahaf_Caribbean_Sigling_cosy.jpg

Mánudagur 7. október- Moorea, Frönsku Pólýnesíu
Um 20 kílómetra norðvestur af Tahíti liggur Moorea, stórkostleg eldfjallaeyja með strandlengju sem einkennist af tærum blágærunum lónum og svörtum og hvítum söndum. Það þarf engan að undra að kafteinn Cook hafi varpað akkerum hér og er hann sagður hafa „fundið“ eyjuna. Kóralrifið sem umkringir Moorea er sannkölluð paradís þeirra sem hafa gaman af að snorkla og þeir sem eru til í að róa á kajak geta notið stórbrotinnar náttúrufegurðarinnar til fulls. Þeir sem vilja aftur á móti halda sig inn til lands ættu að skoða hina fögru Afareaitu-fossa.


papeete_tahiti_fr_polynesia.jpg

Þriðjudagur 8. október- Papeete, Tahítí, Frönsku Pólýnesíu
Hér nýtur Kyrrahafsrómantíkin sín í öllu sínu veldi, með bláum lónum, eldfjöllum, fossum, svörtum sandströndum og hjartnæmum viðtökum heimamanna á Tahítí í Frönsku Pólýnesíu. Og stemningin er óneitanlega frönsk í Papeete þar sem kaffihúsin sitja i röðum við breiðgötur höfuðborgarinnar.


bora_bora.jpg

Miðvikudagur 9. október -  Raiatea, Frönsku Pólýnesíu
Raiatea  í Frönsku Polýnesu var fyrsta eyjan í klasanum til að byggjast og hún er fæðingarstaður pólýnesiskrar menningar. Á Raiatea er mikil og falleg náttúra Stórfenglegt lónið með klettum og gróskumikilum einstökum gróðri. Þó hún sé ekki eins fræg og nágrannaeyjarnar BoraBora og Moorea þá mun Raiatea koma á óvart með fegurð sinni.


Celebrity_Silhouette_sunset_bar_2.jpg

Fimmtudagur 10 og föstudagur 11. október  Á siglingu
Lífsins notið um borð áður en siglt er yfir dagalínuna. Um að gera að njóta þess sem í boði er á skipinu.


154575-004-8e24d68b_international_dateline.jpg

Laugardagur 12. október - Dagalínan
Yfir Kyrrahaf liggur ímynduð lína sem kölluð er dagalínan og markar upphaf hvers dags. Línan fylgir 180 ̊ lengdargráðu en tekur þó sveigjur og beygjur meðfram nokkrum landsvæðum og eyjaklösum.  


cel_sl_winetower_wide.jpg

Sunnudagur 13. og mánudagur 14. október– Á siglingu
Næstu tveir dagar fara í það að njóta alls þess sem er í boði á þessu frábæra skipi, um gera að láta dekra við sig hvort sem er við sundlaugina eða innandyra í heilsulindinni eða í því sem hugurinn girnist.


auckland_nyja_sjaland2.jpg

Þriðjudagur 15. október – Auckland, Nýja Sjálandi
Auckland er langstærsta borg Nýja-Sjálands, með 1,3 milljónir íbúa, þar af er stór hluti Pólýnesíumenn og aðfluttir frá öllum heimshornum. Borgin er oft kölluð „City of Sails“, eða Borg seglanna, því að hún er staðsett á milli tveggja stórra siglingahafna og veðurfarið er einstakt. Auckland er stór borg á lítilli eyju og andrúmsloftið einkennist af sannkölluðum heimsborgarbrag.


nyja_sjaland_sue_38.jpg

Miðvikudagur 16. október  - Bay of Islands, Nýja Sjálandi
Það var landkönnuðurinn mikli James Cook sem gaf svæðinu sem samanstendur af 150 smáeyjum og strandbæjum nafnið Bay of Islands árið 1769. Það má því engan undra að ævintýri á borð við stangveiði, skútusiglingar, kajaksiglingar og fleira bíði ykkar á þessum slóðum.


bay_of_islands_new_zealand.jpg

Fimmtudagur 17. og föstudagur 18. október – Á siglingu
Síðustu tveggja dagana er notið á skipinu áður en komið er til hafnar í Sydney í Ástralíu. Hvort sem kosið er að vera úti á dekki í sólinni og láta stjana við sig og skemmta af starfsfólki skipsins eða vera innandyra þar sem margt er um að vera, hvort sem er útsölur, taka á því í ræktinni, láta stjana við sig í nuddi eða öðru í heilsulindinni, eða bara njóta þessa að ganga um skipið.


equinox_skip_vita_7.jpg

Laugardagur 19. október -  Sydney, Ástralíu
Celebrity Solstice leggur að bryggju í Sydney kl. 06:30 að morgni. Eftir morgunmat í skipinu er farið frá borði og farið beint í skoðunarferð um Sydney. Sydney er lifandi heimsborg sem stendur við eina af fallegustu höfnum í heimi. Í Rocks, einu elsta hverfi borgarinnar, eru fallegar byggingar í nýlendustíl og steinlögð stræti. Mrs Macquarie’s Chair er bekkur sem höggvinn var í klett snemma á 19. öld fyrir eiginkonu hins framsýna nýlendulandstjóra, Lachlan Macquarie. Þaðan er hægt að njóta útsýnis yfir hafið og helstu kennileiti Sydney, Harbour Bridge og óperuhúsið fræga. Í austurhluta borgarinnar eru nútímaleg úthverfi sem þekkt eru fyrir glæsileg heimili og hafnir. Eftir skoðunarferðin er ekið á hótel Rydges World Square þar sem gist er í 3 nætur.


australia_sydney_3.jpg

Sydney, Ástralía
Sydney er óneitanlega helsta heimsborgin á suðurhveli jarðar enda svo ótalmargt að sjá og skoða. Hver ströndin fegurri annarri, víngerðir kennileiti og verslanir á heimsmælikvarða. Skoðið meistaraverk byggingarlistarinnar eins og Óperuhúsið og Sydney-brúna sem tengir saman tvo borgarhluta. Gægist undir yfirborðið í sjávargöngum sædýrasafnsins og drekkið í ykkur fegurðina úr útsýnisturninum í miðborginni. Náttúran er aldrei langt undan í þessari iðandi stórborg. Hér eru heimsins bestu brimbrettastrendur, dýragarðar, vínekrur, þjóðgarðar og grasagarður með meira en 7.500 tegundum plantna. Hér er hægt að fara í frumskógar- og hvalaskoðunarferðir og njóta gróðurs og dýralífs, sólar og himinblás sjávar allan ársins hring. Sydney er elsta borg Ástralíu og hvergi í heiminum er mannlífið fjölbreyttara og frá fleiri heimshornum. Því skal engan undra að hversu flóran í menningu, matargerð og listum er litrík. Við mælum sérstaklega með því að líta við á veitingastöðunum og börunum í sögulegu byggingunum í The Rocks hverfinu við höfnina.


australia_rhapsody_sydney2.jpg

Sunnudagur 20. október – Sydney, Ástralíu
Heils dags ferð í Blue Mountains og í Featherdale Wildlife park. Featherdale dýragarðurinn er með yfir 1700 tegundir af dýrum öllum áströlsku dýrunum eins og kengúrum, kóalabjörnum, krókódílum svo eitthvað sé nefnt. Bláu fjöllin eða Blue Mountains er undurfagurt skógi vaxið fjalllendi með skemmtilegum tindum farið er t.d. í kláf til að njóta sem best það sem fyrir augu ber.


australia-blue-mountains-national-park-govetts-leap-lookout.jpg

Mánudagur 21 október – Sydney, Ástralíu
Dagsferð. Farið í Óperuhúsið í Sydney þar sem við fáum 45 mínútur til að skoða þetta fræga óperuhús. Dagurinn endar á að siglt um flóann og höfnina. Í siglingunni er boðið upp á matarhlaðborð. 


dubai_3.jpg

Þriðjudagur 22. október  - Sydney – Dubai
Dagurinn frjáls fram undir kvöld og þá er flogið áleiðis heim með stoppi í Dubai.
Flugtíminn er  kl. 21:10  og lent í Dubai kl. 04:30  að morgni 23. október. Flugið tekur um 14 klst. Þannig að það er kærkomið að stoppa og byrja að vinda ofan af tímamismuninum.
Gist á hinu glæsilega Radisson Blu hotel, Dubai Canal View  í 3 nætur. 
Hótelherbergin eru tilbúin þegar hópurinn kemur á hótelið snemma morguns 23. október 


dubai_6.jpg

Miðvikudagur 23. Október  Dubai
Tékkað inn á hótelið og farið í morgunverð.  Eftir hádegið er farið í hálfs dags skoðunarferð um Dubai.


dubai_desert_safari.jpg

Fimmtudagur 24. Október  Dubai
Fyrripartur dagsins frjáls en um miðjan dag er farið í eyðimerkurferð og grill.
Ferðin byrjar um miðjan dag á ógleymanlegri keyrslu á fjórhjóladrifnum bílum yfir hinar stórkostlegu sandöldur í eyðimörkinni. Við heimsækjum úlfaldabú og einnig er myndastopp í eyðimörkinni og upplifum við eftirminnilegt sólsetur í þessu framandi umhverfi. Keyrt er að arabískum tjaldbúðum þar sem borðaður verður kvöldverður undir stjörnubjörtum himni. Meðan kveikt er undir kolaeldinum til að undirbúa grillmáltíðina er tími til að fá sér henna húðflúr, máta arabískan fatnað, halda á fálka eða skella sér í ævintýralega úlfaldaferð. Hápunktur kvöldsins er svo Tannoura danssýning og framandi magadans í takt við arabíska tónlist meðan við gæðum okkar á fjölbreyttu grilluðu kjöti og meðlæti. Eftir kvöldmatinn er keyrt til baka á hótelin.


dubai_sigling_almennt_1.jpg

Fösturdagur 25.október  Heimferð
Heimflug flogið með Emerates til London og síðan áfram heim til Íslands.  Flug frá Dubai kl 14:15 milli lent á London Heatrow kl 18:40 og Icelandair flug kl. 21:25 áætluð lending í Keflavík er kl. 23:40

Sjá nánari ferðalýsingu

Siglingin Uppseld

Þessi sigling er uppseld, Ný svipuð ferð kemur í sölu á næstu vikum sem verður í april 2025 Vinsamlega hafið samband í síma 5050100 fyrir frekari upplýsingar

Hafa samband
  • Hagnýtar Upplýsingar

  • Verð og innifalið

Gististaðir

Kort

Sjá alla gististaði
  • Veðrið

  • Flugtími

    Kef SEA

    8

    Eftirmiðdagsflug

  • Gjaldmiðill

    $

    Dollar

    Gengi

Sjá Kortasýn Sjá gististaði

Við notum vefkökur (e.cookies) t.d. til að greina umferð um vefinn og til að bæta upplifun notanda á síðunni. Með því að halda áfram að vafra um síðuna samþykkir þú vefkökuskilmála VITA

Nánari upplýsingar um vefkökunotkun