Colon Guanahani, Costa Adeje
Vefsíða hótels
![4 stars](/sites/vita.is/themes/vita_theme/images/stars.png)
Glæsilegt fjögurra stjörnu hótel, byggt í fallegum spænskum nýlendustíl, þar sem boðið er upp á allt það helsta í þjónustu og góðum mat. Frábærlega staðsett á einkasvæði á Costa Adeje, aðeins spölkorn frá Playa Fanabe-ströndinni. Hótelið er aðeins fyrir 16 ára og eldri.
Hotel Colon Guanahaní býður upp á þægilega gistingu og sólbaðsaðstöðu af bestu gerð. Allt sem þarf til að láta líða úr sér í fallegu og rólegu umhverfi. Sundlaugagarðurinn er frekar lítill en vel búinn og skemmtilegur með tveimur sundlaugum, upphitaðri laug og saltvatnslaug, sem umkringdar eru pálmatrjám og hitabeltisplöntum. Einnig er sundlaug á þaki hótelsins með fallegu útsýni. Á hótelinu eru tveir veitingastaðir: hlaðborðsveitingastaðurinn Colón sem býður upp á morgunverð og kvöldverðarhlaðborð og hinn notalegi La Pérgola við sundlaugarbakkann þar sem hægt er að snæða létta rétti og boðið er upp á hádegisverðarmatseðil. Einnig eru á hótelinu tveir barir, við sundlaugina og í aðalbyggingu.
Herbergin eru ekki af verri endanum, hreinleg, litrík og fallega innréttuð með einkasvölum og flísalögðum gólfum. Öll helstu þægindi eru til staðar, t.d. loftkæling, minibar, þráðlaust internet, hljóðeinangrun og snyrtivörur á baði.
Heilsulind hótelsins býður upp á alls kyns heilsu- og fegurðarmeðferðir og er tilvalinn staður til að hreinsa hugann og hlúa að sjálfum sér. Einnig er á staðnum vel búin líkamsræktaraðstaða. Hægt er að bóka ýmiskonar ferðir og afþreyingu í næsta nágrenni á hótelinu, t.d. hellaskoðun, kajakferðir og ferðir í Teide-þjóðgarðinn. Hótelgestir fá jafnframt afslátt á alla helstu golfvelli á Costa Adeje og hægt er að bóka ferðir í golf. Stutt er á flugvöllinn og í alla helstu þjónustu.
Aðstaða
- Sundlaugabar
- Lyfta
- Líkamsrækt
- Handklæði fyrir hótelgarð
- Heilsulind
- Gestamóttaka
- Bar
- Sundlaug
- Veitingastaður
Vistarverur
- Te- eða kaffiaðstaða
- Hárþurrka
- Minibar
- Loftkæling
- Öryggishólf
- Sjónvarp
- Þráðlaust net
- Baðsloppar
Fæði
- Morgunmatur, Hálft fæði