Coral Compostela Beach Golf Club, Playa de la Américas
Vefsíða hótels
![3 stars](/sites/vita.is/themes/vita_theme/images/stars.png)
Coral Compostela Beach Golf Club er einföld og þægileg íbúðasamstæða við Americas-golfvöllinn, 10 - 15 mínútna göngufæri frá Las Vistas-ströndinni á Tenerife.
Samstæðan samanstendur af 156 íbúðum í nokkrum tveggja hæða byggingum. Íbúðirnar eru ýmist stúdíó, með einu eða tveimur svefnherbergjum og rúma frá einum og upp í sex einstaklinga. Studio Loft eru lítil stúdíó, undir súð, sem gætu hentað pörum og einstaklingum vel. Hægt er að velja á milli íbúða með einu svefnherbergi standard og með lítilli verönd. Einnig eru íbúðir með einu svefnherbergi "swim up" sem eru með lítilli sundlaug við veröndina. Í íbúð á tveimur hæðum mega vera allt að fjórir fullorðnir og 2 börn. Sjónvarp og sími er í öllum íbúðum. Í eldhúskrók er allt sem þarf til eldamennsku, eldavél, ísskápur, brauðrist, kaffivél, hraðsuðuketill, pottar og öll nauðsynleg áhöld. Öllum íbúðum fylgja svalir, verönd eða garður með húsgögnum. Þráðlaus netaðgangur stendur gestum til boða gegn gjaldi.
Það er ekki lyfta í íbúðasamstæðunni.
Í samstæðunni er veitingastaður sem er opinn út á verönd. Þeir sem það kjósa geta gætt sér á léttum réttum eða snarli með ljúffengum svaladrykk við sundlaugarbarinn. Þá er tilvalið að slaka á og láta þreytuna líða úr sér í lok dags á setustofubarnum.
Hótelgarðurinn er ekki stór en hann er með ferskvatnssundlaug og sérstök busllaug fyrir börnin. Sólbaðsaðstaðan við laugina er með sólbekkjum og sólhlífum. Lítið leiksvæði er sérstaklega afgirt fyrir börnin og þar er einnig leikherbergi. Leikaðstaða er einnig fyrir þá eldri, með bæði pool- og borðtennisborði. Þvottahús með sjálfsafgreiðslu er í samstæðunni og þar er einnig kjörbúð.
Gestamóttakan er opin allan sólarhringinn og þar töskugeymsla, hægt er að skipta gjaldeyri og leigja bíl.
Coral Compostela Beach Golf Club Apartments hentar golfáhugafólki og fjölskyldum einkar vel þar sem íbúðirnar standa við Las Americas-golfvöllinn, í rólegum umhverfi en stutt er í fjölda verslana, veitingastaða og alls kyns afþreyingu. Aðeins tekur um 10 til 15 mínútur að rölta niður á Las Vistas-ströndina þar sem hægt er að leggjast í sandinn og leika sér í sjónum.
Fjarlægðir
- Frá strönd: Nálægt Las Vistas
Aðstaða
- Þráðlaust net: Gegn gjaldi á sérstöku svæði
- Barnasundlaug
- Sundlaug
- Gestamóttaka
- Barnaleiksvæði
- Bar
- Veitingastaður
Vistarverur
- Íbúðir
- Ísskápur
- Kaffivél
- Sjónvarp
Fæði
- Án fæðis, Hálft fæði