Coral California, Playa del las Americas
Vefsíða hótels
![4 stars](/sites/vita.is/themes/vita_theme/images/stars.png)
Rólegt og þægilegt fjögurra stjörnu íbúðahótel á góðum stað í miðbæ Playa de las Americas syðst á Tenerife. Stúdíóíbúðir með eldhúskróki, setuaðstöðu og öllum helstu þægindum. Afslappað umhverfi og stutt í veitingastaði, verslanir og á ströndina. Eingöngu fyrir 16 ára og eldri.
Coral California er tilvalin gististaður fyrir þá sem vilja skoða áhugaverðustu staðina á þessu fræga ferðamannasvæði á suðurhluta Tenerife. Sundlaugargarðurinn og svæðið allt er gróið og þægilegt og sólbaðsaðstaðan notaleg. Í garðinum er einnig sérstakt slökunarsvæði. Boðið er upp á veglegt morgunverðarhlaðborð og hægt er að fá ýmiskonar snarl á sundlaugarbarnum. Í næsta nágrenni má svo finna fjölda veitingastaða. Á hótelinu er einnig boðið upp á sérstaka aðstöðu fyrir reiðhjólafólk þar sem hægt er geyma, gera við og þrífa hjólin. Hægt er að fá upplýsingar um fjölda reiðhjólaleiða frá hótelinu. Stutt er í alla helstu þjónustu og aðeins örfárra mínútna gangur á ströndina.
Íbúðirnar eru vel búnar stúdíóíbúðir fyrir tvo, innréttaðar á einfaldan en smekklegan máta með parketgólfum, setuaðstöðu með sófa, einkasvölum með húsgögnum og eldhúskróki með öllum helstu tækjum: ísskáp, örbylgjuofni, kaffivél, brauðrist og tveggja hellu eldavél. Að auki er þráðlaust net í boði alls staðar á hótelinu og bílastæði sem gestir geta nýtt endurgjaldslaust.
Coral California býður upp á persónulega gæðaþjónustu og hreinlegt og heimilislegt umhverfi fyrir alla sem vilja slaka á í friði og ró á milli ævintýra í sólinni.
Aðstaða
- Þráðlaust net
- Sundlaugabar
- Sundlaug
- Bar
- Sundlaug
- Veitingastaður
Vistarverur
- Sjónvarp
- Öryggishólf
- Vifta
- Eldhúsaðstaða
- Kaffivél
- Sturta
- Hárþurrka
Fæði
- Án fæðis, Morgunmatur