Spring hotel Vulcano, Playa de las Américas
Vefsíða hótels
![4 stars](/sites/vita.is/themes/vita_theme/images/stars.png)
Spring hotel Vulcano er mjög gott 4 stjörnu hótel á besta stað í hjarta Amerísku strandarinnar. Við hótelið er stór gróðursæll garður með sundlaug, barnalaug og fjölda sólbekkja.
Ströndin er um 300 metra frá hótelinu og stutt er að göngugötum með verslunarhúsum og sérverslunum. Barir, veitingahús og kaffihús eru á hverju strái og hótelin Villa Cortes, La Siesta og Parque Santiago eru steinsnar frá hótel Vulcano.
Hótelið býður upp á skemmtidagskrá á hverjum degi. Sundleikfimi og leikir í lauginni eru á daginn. Fjölbreyttar sýningar eru á kvöldin, einnig lifandi tónlist og dans. Við hótelið er tennisvöllur og einungis einn km. er á golfvöllinn Club de Golf las Américas.
Herbergi eru 365 talsins, mjög rúmgóð og geta rúmað þrjá gesti. Öll loftkæld, með síma, sjónvarpi, smábar gegn gjaldi (1 eur á dag), öryggishólfi, hárþurrku og svölum eða verönd.
Hægt er að tryggja sér herbergi með svölum sem snúa yfir sundlaugargarðinn gegn auka greiðslu. Þar er öryggishólf án aukagjalds og handklæði til að nota við sundlaugina.
,,UP" herbergi á Vulcano bjóða uppá meiri þjónustu eins og aðstoð með töskur uppá herbergi, aðgangur í heilsulind, aðgangur á þakverönd með þægilegri aðstöðu, drykkjum og snarli. Herbergin eru betri með baðslopp og inniskóm, gjöf við komu og Nespresso kaffivél (hylkin ekki innifalin).
Einnig er nettenging og öryggishólf innifalin sem er gegn gjaldi annars.
Ef gist er 7 nætur eða lengur er einnig einn kvöldverður og 30 min nudd.
Í aðal veitingasal hótelsins er matur borinn fram á hlaðborði, eins og gjarnan tíðkast á Spáni og á það bæði við um morgun- og kvöldverð. Á hótelinu er einnig pianóbar og snakkbar við sundlaugina.
Hótel Vulcano er einstaklega góður kostur á sanngjörnu verði og hafa gestir verið hæstánægðir þar í gegnum tíðina.
***Vinsamlegast athugið að líkamsræktin og spa-ið er lokað á Vulcano til 31. júlí vegna viðgerða, hótelgestir geta nýtt sér í staðinn bæði líkamsrækt og heilsulind hótel Bitacora sem er í næsta nágrenni ***
Fjarlægðir
- Frá flugvelli: 20 km
- Frá miðbæ: Í miðbænum
- Veitingastaðir: Á hótelinu og allt um kring
Aðstaða
- Nettenging: Þráðlaust net á sameiginlegu rými og tölvur í gestamóttöku
- Sundlaug
- Heilsulind: Hægt að panta heilsumeðferðir og hárgreiðslu
- Gestamóttaka
- Bar
- Veitingastaður
- Skemmtidagskrá
Vistarverur
- Herbergi: Tveggja manna herbergi með og án garðsýnis
- Minibar: Gegn gjaldi
- Loftkæling
- Öryggishólf
- Sjónvarp
- Hárþurrka
Fæði
- Hálft fæði