fbpx Madrid, borgarferð

Madrid

Fótbolti, tapas, menning og listir

Bókaðu þína ferð
Báðar leiðir
Aðra leið

Myndagallerí

Höfuðborg Spánar - Fótbolti, tapas, menning og listir

Ferðir á eigin vegum.

Borgarferð til höfuðborgar Spánar! Madríd er borg menningar og lista, fótbolta, matar og mannlífs, og það fram á rauða nótt. Borg sem kemur skemmtilega á óvart með sín breiðstræti, öngstræti, göngugötur, fögru hallir og kirkjur, heimsfrægu myndlistarsöfn, gróðursælu almenningsgarða, hjalandi gosbrunna, og síðast en ekki síst iðandi mannlíf.

„Ég hef fengið hundruð íslenskra ferðamanna til Madrídar þau ár sem ég hef tekið að mér fararstjórn," segir Kristinn R. Ólafsson, sem hefur verið yfirfararstjóri í slíkum ferðum. „Mjög margir hafa komið að orði við mig og sagt mér hve borgin hafi komið þeim skemmtilega á óvart: mannlífið, menningin, umhverfið, maturinn eða hve hreinleg hún sé -já, fleiri en einn og fleiri en tveir hafa einmitt haft orð á því við mig svona í framhjáhlaupi." 

Það er í raun ekki að undra að borgin komi á óvart. Madríd er falleg og fjölbreytt, ein af stórborgum Evrópu. Hún ber þess merki að hafa verið höfuðborg Spánar síðan á 16. öld og í reynd alls hins spænska heimsveldis á sínum tíma.
Borgin er ennþá konungsborg þó að Jóhann Karl, núverandi Spánarkonungur, búi rétt fyrir utan hana en ekki í Konungshöllinni í miðborginni (El Palacio Real).

Að setjast niður á torgi einsog La Plaza de Santa Ana og fá sér hressingu er frábært, kannski á ljúfu vorkvöldi, eða rölta um göngugöturnar í „El Barrio de las Letras" (Bókmennahverfinu) þar sem skáldjöfrar á borð við Cervantes sjálfan bjuggu. Þetta hverfi verður sérlega líflegt um helgar. Ekkert er heldur að því að líta inná La Plaza Mayor, steinsnar í burtu, eða fara og „smætlast" (fara í tapasleiðangur) á veitingastöðunum við götuna Calle Cava Baja sem er skammt undan.

Chueca er hýra hverfið í borginni, rétt við La Gran Vía, eitt elsta stræti miðborgarinnar. Þar er fullt af lífi og fjöri fyrir alla, með veitingastaði og verslanir...

El Retiro er 120 hektara skrúðgarður í miðborginni, græn vin sem afar notalegt er að sækja, hvort sem það er til að ganga sér til skemmtunar eða setjast niður og fá sér eitthvað hressandi -nema hvort tveggja sé.

Höfuðborg Spánar er ein fjörugasta kvöld- og næturlífsborg í Evrópu og mannlífið er einstaklega fjölskrúðugt. Veitingahúsin, kaffihúsin, barirnir og diskótekin eru á hverju strái og langi mann á flamenkó eru staðirnir í Madríd meðal þeirra albestu á Spáni.

Maturinn

Það þarf ekki að nefna það lengur við Íslendinga að maturinn á Spáni er góður, hvort sem það eru nautasteikur eða ýmiskonar fiskmeti. Spánarvínin standa einnig fyrir sínu. Madríd er engin undantekning í þeim efnum nema síður væri.
Ekki vantar tapas-barina og „smætlurnar" þar, fjölbreyttar og gómsætar. Búðirnar skortir ekki heldur, hvort sem það eru merkjavörubúðir eða stórverslanir á borð við keðjuna El Corte Inglés.

Fótboltinn

Fótboltinn er að sjálfsögðu í hávegum hafður: Real Madrid, Atlético de Madrid o.fl. Hjá Real Madrid gera t.a.m. garðinn frægan menn á borð við Cristiano Ronaldo og Sergio Ramos.

Listin

Menningarlífið er afar fjölbreytt, söfnin skipta tugum, leikhús og söngleikahús eru mörg; jafnvel frægasta nautatorg heims, La Plaza de Toros de las Ventas, er í Madríd.
Fjögur listasöfn standa upp úr, öll nánast á sömu torfunni í miðborginni:

El Museo del Prado, eitt besta málverkasafn heims sem geymir verk eftir menn á borð við Goya, Velázquez, El Greco, Rubens, Rafael, Bosch, Zurbarán, Dürer og marga fleiri. 
Ekki ónýtt að geta barið augum mestarastykki á borð við hátind barokkmálaralistarinnar: Las Meninas eftir Velázquez.

El Museo Reina Sofía, nýlistasafn Spánar, þar sem sjá má m.a. Gernika eftir Picasso, þetta stríðsóp gegn stríði sem hann málaði 1937 eftir loftárás Þjóðverja á nefndan bæ í Baskalandi.
Fleiri góðir eru þarna: nægir að nefna Salvador Dalí og Joan Miró.

El Museo Tyssen-Bornemisza flíkar merkum verkum eftir helstu meistara málaralistarinnar allt frá miðöldum fram til 21. aldar og menningarmiðstöðin CaixaFórum.

Borgarferð til Madríd er eitthvað sem má ekki láta framhjá sér fara. 

Sjá nánari ferðalýsingu

Madrid

Höfuðborg Spánar - Fótbolti, tapas, menning og listir

Ferðir á eigin vegum.

Borgarferð til höfuðborgar Spánar! Madríd er borg menningar og lista, fótbolta, matar og mannlífs, og það fram á rauða nótt. Borg sem kemur skemmtilega á óvart með sín breiðstræti, öngstræti, göngugötur, fögru hallir og kirkjur, heimsfrægu myndlistarsöfn, gróðursælu almenningsgarða, hjalandi gosbrunna, og síðast en ekki síst iðandi mannlíf.

„Ég hef fengið hundruð íslenskra ferðamanna til Madrídar þau ár sem ég hef tekið að mér fararstjórn," segir Kristinn R. Ólafsson, sem hefur verið yfirfararstjóri í slíkum ferðum. „Mjög margir hafa komið að orði við mig og sagt mér hve borgin hafi komið þeim skemmtilega á óvart: mannlífið, menningin, umhverfið, maturinn eða hve hreinleg hún sé -já, fleiri en einn og fleiri en tveir hafa einmitt haft orð á því við mig svona í framhjáhlaupi." 

Það er í raun ekki að undra að borgin komi á óvart. Madríd er falleg og fjölbreytt, ein af stórborgum Evrópu. Hún ber þess merki að hafa verið höfuðborg Spánar síðan á 16. öld og í reynd alls hins spænska heimsveldis á sínum tíma.
Borgin er ennþá konungsborg þó að Jóhann Karl, núverandi Spánarkonungur, búi rétt fyrir utan hana en ekki í Konungshöllinni í miðborginni (El Palacio Real).

Að setjast niður á torgi einsog La Plaza de Santa Ana og fá sér hressingu er frábært, kannski á ljúfu vorkvöldi, eða rölta um göngugöturnar í „El Barrio de las Letras" (Bókmennahverfinu) þar sem skáldjöfrar á borð við Cervantes sjálfan bjuggu. Þetta hverfi verður sérlega líflegt um helgar. Ekkert er heldur að því að líta inná La Plaza Mayor, steinsnar í burtu, eða fara og „smætlast" (fara í tapasleiðangur) á veitingastöðunum við götuna Calle Cava Baja sem er skammt undan.

Chueca er hýra hverfið í borginni, rétt við La Gran Vía, eitt elsta stræti miðborgarinnar. Þar er fullt af lífi og fjöri fyrir alla, með veitingastaði og verslanir...

El Retiro er 120 hektara skrúðgarður í miðborginni, græn vin sem afar notalegt er að sækja, hvort sem það er til að ganga sér til skemmtunar eða setjast niður og fá sér eitthvað hressandi -nema hvort tveggja sé.

Höfuðborg Spánar er ein fjörugasta kvöld- og næturlífsborg í Evrópu og mannlífið er einstaklega fjölskrúðugt. Veitingahúsin, kaffihúsin, barirnir og diskótekin eru á hverju strái og langi mann á flamenkó eru staðirnir í Madríd meðal þeirra albestu á Spáni.

Maturinn

Það þarf ekki að nefna það lengur við Íslendinga að maturinn á Spáni er góður, hvort sem það eru nautasteikur eða ýmiskonar fiskmeti. Spánarvínin standa einnig fyrir sínu. Madríd er engin undantekning í þeim efnum nema síður væri.
Ekki vantar tapas-barina og „smætlurnar" þar, fjölbreyttar og gómsætar. Búðirnar skortir ekki heldur, hvort sem það eru merkjavörubúðir eða stórverslanir á borð við keðjuna El Corte Inglés.

Fótboltinn

Fótboltinn er að sjálfsögðu í hávegum hafður: Real Madrid, Atlético de Madrid o.fl. Hjá Real Madrid gera t.a.m. garðinn frægan menn á borð við Cristiano Ronaldo og Sergio Ramos.

Listin

Menningarlífið er afar fjölbreytt, söfnin skipta tugum, leikhús og söngleikahús eru mörg; jafnvel frægasta nautatorg heims, La Plaza de Toros de las Ventas, er í Madríd.
Fjögur listasöfn standa upp úr, öll nánast á sömu torfunni í miðborginni:

El Museo del Prado, eitt besta málverkasafn heims sem geymir verk eftir menn á borð við Goya, Velázquez, El Greco, Rubens, Rafael, Bosch, Zurbarán, Dürer og marga fleiri. 
Ekki ónýtt að geta barið augum mestarastykki á borð við hátind barokkmálaralistarinnar: Las Meninas eftir Velázquez.

El Museo Reina Sofía, nýlistasafn Spánar, þar sem sjá má m.a. Gernika eftir Picasso, þetta stríðsóp gegn stríði sem hann málaði 1937 eftir loftárás Þjóðverja á nefndan bæ í Baskalandi.
Fleiri góðir eru þarna: nægir að nefna Salvador Dalí og Joan Miró.

El Museo Tyssen-Bornemisza flíkar merkum verkum eftir helstu meistara málaralistarinnar allt frá miðöldum fram til 21. aldar og menningarmiðstöðin CaixaFórum.

Borgarferð til Madríd er eitthvað sem má ekki láta framhjá sér fara. 

Bókaðu þína ferð
Báðar leiðir
Aðra leið

  • Hagnýtar upplýsingar

    • Hagnýtar upplýsingar

    Ferðamannaskattur á Spáni er ekki innifalinn í gistiverði heldur þarf að greiðast beint á hótel. Skatturinn er rukkaður fyrir alla 16 ára og eldri og greiðist fyrir hverja nótt en þó aldrei fyrir fleiri en 7 nætur.

    Flugvöllur: 

    Flugvöllurinn er Madrid Barajas (MAD)

    Flug: Flogið með Icelandair

    Flugið tekur u.þ.b. þrjár klukkustundir og þrjátíu mínútur. Leyfilegt er að taka með sér 1 tösku sem vegur að hámarki 23 kg og er mest 158cm á lengd, ef flogið er á almennu farrými. Hægt er að finna nánari upplýsingar um leyfilegan farangur á vefsíðu Icelandair. 

    Akstur: 

    Hægt er að bóka akstur til og frá flugvelli og þarf að greiða fyrir það sérstaklega. Frá flugvellinum til miðbæjar Madrid er um 20 mínútna akstur.

    Tímamismunur: 

    Madrid er tveimur tímum á undan.

    Mynt: 

    Evra (EUR). 

    Veðurfar:  

    Meðalhitastig á daginn í apríl er 17.5° á daginn en 7.2° á næturna. Í október er meðalhitastig á daginn 21.4° en 10.7° á næturna.

    Hraðbankar:

    Mjög víða

    Greiðslukort:

    Lang flestar búðir og veitingastaðir taka öll helstu kreditkort. Ekki er hægt að treysta því að hægt sé að greiða fyrir vöru eða þjónustu með debetkorti, en að sjálfsögðu er hægt að taka pening út úr hraðbönkum, hvort sem er út á kredit- eða debetkort.

    Samgöngur:

    Það er auðvelt að ferðast um borgina með því að nota samgöngukerfi hennar. Lestar, neðjanjarðarlestar, strætó og leigubílar eru á hverju strái.

    Verslanir:

    Í Madrid er úrval góðra verslana og m.a. er H&M í Madrid.

    Tryggingar:

    Öllum ferðalöngum er ráðlagt að fara vel yfir sínar tryggingar áður en lagt er af stað í ferðalag og kaupa sérstaka ferðatryggingu sé hún ekki þegar innifalin í korti eða heimilistryggingu viðkomandi. Einnig er gott að hafa meðferðis tryggingaskírteini frá Tryggingastofnun ríkisins, komi eitthvað óvænt upp á.

    Rafmagn:  

    220 volt.

    Tungumál:

    Í Madrid er töluð spænska.

  • Verslun og þjónusta

    • Verslun og þjónusta

    Verslanir:

    Stórverslanakeðjan El Corte Inglés hefur margar stórverslanir í borginni eða við hana. Fjölda sérverslana á vegum heimsþekktra vörumerkja er einnig að finna, t.a.m. við göturnar Calle Velázquez og Calle Serrano í Salamanca-hverfi, við strætið Ortega y Gasset, á milli gatnanna Claudio Coello og Lagasca, eru nokkrar heimsfrægar tískuverslanir, svo sem Chanel, Giani Versace, Hermés, Calvin Klein, Giorgio Armani, Elena Benarroch.  

    Nokkrar verslunarmiðstöðvar: 

    El Corte Inglés, Callao og Preciados í miðborginni, eða við Goya í Salamanca-hverfinu.  
    Centro Comercial el Jardín de Serrano, Goya 6, jarðlestarstöð: Serrano. 
    Centro Comercial ABC Serrano, Serrano 61, jarðlestarstöð: Rubén Darío.  
    Centro Comercial la Esquina del Bernabéu, Avenida Concha Espina 1, jarðlestarstöð: Santiago Bernabéu. 
    Centro Comercial Príncipe Pío,  Paseo de la Florida s/n, jarðlestarstöð: Príncipe Pío.  
    Centro Comercial La Vaguada, Avenida de Monforte de Lemos, 36.
    Fyrir utan borgina: Plaza Norte 2. Carretra. Nacional N-1. Km 19. San Sebastian de los Reyes.  

    Markaðir

    El Rastro: Mikill og mannmargur flóamarkaður á sunnudagsmorgnum, frá um kl 10 á og í kringum götuna Ribera de Curtidores. Þarna er selt allt milli himins og jarðar.  En varað við vasaþjófum og töskuhrifsurum. Verið því vör um ykkur.  Næsta jarðlestarstöð er Metro Latina, á leið 5. Yfirleitt aðeins hægt að borga í reiðufé. 

    Verslanir – afgreiðslutími

    Verslanir eru yfirleitt opnaðar  kl. 09:00 – 10:00 á morgnana og opnar til kl. 13:30. Þá er þeim lokað en þær opnaðar aftur um kl. 16:00 – 17:00 og eru opnar til kl. 20:00 – 21:00 á kvöldin. Sumum er þó ekki lokað yfir miðjan daginn eins og t.d. El Corte Inglés, Zara, Mango o.fl. Þorri þeirra er opinn á laugardögum og margar stórverslanir á sunnudögum líka. 

    Almennt: 

    Þegar gengið er eftir gangstéttum er tryggara að vera ekki með veski/töskur á öxlinni/í hendinni götumegin  („töskuhrifsarar“) . Ekki heldur með seðlaveski í rassvasa. Þekktir „vinnustaðir“ vasaþjófa eru t.d. markaðir, torg og almenn samgöngutæki. 

    Vatnið úr krananum í Madríd er ágætt, kemur úr fjöllunum við borgina.

    Venja er að skilja eftir eitthvert þjórfé, smáaura á börum en ágætt að miða við um 5 prósent á veitingastöðum. 10% er ofrausn. Þetta er þó engin skylda.

  • Veðrið

  • Flugtími

    Kef MAD

    3,45

    Morgunflug

  • Gjaldmiðill

    €

    Evra

    Gengi

  • Bjórverð

    2-4 EUR

  • Rafmagn

    220

Sjá Kortasýn Sjá gististaði
Netspjall

Við notum vefkökur (e.cookies) t.d. til að greina umferð um vefinn og til að bæta upplifun notanda á síðunni. Með því að halda áfram að vafra um síðuna samþykkir þú vefkökuskilmála VITA

Nánari upplýsingar um vefkökunotkun